Saturday, July 14, 2012

വീട്



ഒരു വീട് പണിയണം -

ആ വീടിനു  
കതകുകള്‍ ഇല്ലാത്ത ജനാലകള്‍ വേണം 
കാറ്റും ശബ്ദവും കയറി വരാന്‍

ചുറ്റിലും പച്ച പുല്ലുകള്‍ വേണം .
അവിടെ തുമ്പികളും പൂമ്പാറ്റകളും 
പറന്നു നടക്കണം.

കുറെ  മരങ്ങളും 
മതില്‍ വരമ്പുകള്‍ 
ഇല്ലാത്തൊരു മുറ്റവും 

രാത്രിയില്‍ ചീവിടുകള്‍ കരയണം
മഴ ആര്‍ത്തു  പെയ്യുമ്പോള്‍ -

ശീതലായ് മഴത്തുള്ളികള്‍ 
ഈ ജനാലയിലൂടെ വീശി  വരണം
ആ മഴയില്‍ ചേര്‍ന്നലിഞ്ഞു 
എനിക്കുറങ്ങണം .